محمد الجيار
فى اواخر حرب اكتوبر كان اللعب على المكشوف . يعنى كل الجنود
المصرين كانوا بيكلموا بعض عادى على اللاسلكى وعارفين ان الاسرائلين بيرقبوهم
وكانوا بيتكلموا عادى
انما كان الجنود المصرين بيعملوا حاجة لطيفه جدا كانوا بيستخدموا اللغة النوبيه فى اللاسلكى وهنا بقى كان الظابط اليهودى لما يسمعمهم بيتكلموا باللغة النوبيه كان بيفتح بوقوا ومبيفهمش حاجة
النوبه دى كانت بلد جميلة وكان عدد سكنها 100 الف 50 الف عيشين فيها وخمسين الف مسافرين ..
البلد دى عباره عن 39 قريه على امتداد 350 كم على ضفاف نهر النيل الجميل
أُمال ايه بأه سنة 1902 تم عمل خزان اسوان وغرقت 10 قرى منهم ببيتهم بأرضيهم بكل حاجة
نزع1912 تم اعلاء الخزان وغرق 8 قرى كمان سنة 1932 تم اعلاء الخزان تانى وغرق كمان 11 قرية تانى سنة 1933 صدر قانون الملكية والتعويض وكان تعويض محترم جدا 3 مليون و600 الف جنية انا بتكلم عن سنة 1933 بس بدل من اعطاءهم 3 مليون و600 الف ادوهم 1مليون و700 الف وبعدين خصموا منهم 500 الف جنية مش عارف ليه واخدوا مليون و200 الف جنية سنة 1944 قراروا يديهم 400 فدان كا تعويض عن ارضهم فالموظفين اعترضوا قالوا ان الارض اللى هتتوزع عليهم ارض احسن من ارضهم الاصليه ومأخدوش حاجة
1963 فقراروا تهجرهم
على اى مكان سيكون العزم على هضبة كوم امبو واسنا مبانى معفنه على ارض مش متعلجة مفيش مياه مفيش كهرباه مفيش مستشفيات مفيش مفيش مفيش ..صحره
حتى حيوانتهم معرفوش يخدوهم معاهم ده بأه كان حال النوبى المصرى
النوبى السودانى اللى اتهجر بسبب البحيره والسد اخد معاه حيواناته وحتى القطر اللى نقلوا فيه حيواناتهم كان فيه طبيب بيطرى عشان يعالج حيواناتهم
وفرجوهم على مسكن نموذجى فى اسوان وقاللهم هنديكوا 5 فدادين وحيوان زراعى وكلام زاى كده
بعد 5 سنين ادوهم ارضى غير مستصلحة واسكنوهم فى مساكن غير ادميه كان المفروض هيسلموهم 24 الف مسكن سلموهم 15 الف مسكن بس
وقالوا الباقى هنسلمه بعدين عشان دول مساكن مغتربين
المغتربين دول مش فى استراليه لا المغتربين دول كانوا ف اسكندرية والقاهره
والحمد لله الحمد لله الحمد لله سلموهم ربع مساكن المغتربين ف 40 سنة بس
سنة 1992 كانت بوادر الحل بمشروع بسيط هيشركوا فيه باموالهم بتكلفة بناء البيت 12 الف جنية فى الوقت ده بدل من 45 الف جنيه اللى كانوا هيبنوا بيه فى الهضبة والخرابه بتاعت كوم امبو
و5 فدادين كانوا صالحين للزراعه والحكومه قد وافقت على هذا الاتفاق
وبالفعل تم تجاهل المشروووووع تماما
الناس دى فى يوم من الايام حكمت مصر والسودان الناس دى كان ليهم دوله مستقله قويه الناس دى كان ليهم لغة مميزه استخدمناها فى حرب اكتوبر للتمويه الناس دى ليها موسيقى مميزه وملابس مميزه واللوان مميزه وطابع معمارى مميز ومحفيظ على تراثهم وتاريخهم وعارفين هما مين
زياره رئاسيه رسمية واحدة للنوبه كفايه زاى الزيارات بتاعت بره كده
مش هنقول ان الزيارات بتاعت بره دى مش مهمه لا بس اكيد افضل بكتير من الاتفاقيات اللى بتتوقع مع دول منهاره اساسا
حد ياخد ف ايده المشروع بتاع 1992 ويازور النوبه ويشوف الناس دى بلاش يروح طيب يقولهم تعالوا والله العظيم هيجوا وقع معاهم الاتفاقيه واكتب اسمك فى التاريح انك انصفت اهل النوبه بس فى نقطة مهمة اوى
مش النوبه بس اللى مهمله احنا حددنا كلها مهمله اهمال غير ادمى بالمره سينا والنوبه ومطروح كل حددنا مهمله وبرضه هتلاقيهم محافظين على تراثهم وتاريخهم وعارفين هما مين عايزين ايه احنا بس اللى مش عارفين !
0 التعليقات:
إرسال تعليق